സുൽത്താൻ ബത്തേരി: കഞ്ചാവുമായി മുത്തങ്ങയിൽ യുവാവ് എക്സൈസിന്റെ പിടിയിൽ. കോഴിക്കോട് ചാത്തമംഗലം പുളിച്ചോച്ചാലിൽ പി.സി. മുഹമ്മദ് അഫീഫ് (22) ആണ് വ്യാഴാഴ്ച രാത്രി പിടിയിലായത്. ഇയാളിൽനിന്നും 50 ഗ്രാം കഞ്ചാവ് പിടിച്ചെടുത്തു. കർണാടകയിൽ നിന്നും കേരളത്തിലേക്ക് വരുകയായിരുന്ന കെ.എസ്.ആർ.ടി.സി ബസിലെ യാത്രക്കാരനായിരുന്നു മുഹമ്മദ് അഫീഫ്.
കൽപറ്റ: കൽപറ്റ എസ്.കെ.എം.ജെ ഹയർ സെക്കൻഡറി സ്കൂൾ കിണറ്റിലെ മോട്ടോർ മോഷ്ടിച്ച സംഭവത്തിൽ പ്രതികളെ കൽപറ്റ പൊലീസ് പിടികൂടി. മുണ്ടേരി തൈവളപ്പിൽ സുരേഷ് ബാബു (49), പുഴമുടി അപ്പണവയൽ മഞ്ഞിയോട്ടിൽ നൈജിൽ (32), കൽപറ്റ എമിലി കരിക്കാടംപൊയിൽ കെ.പി. അലി അഷ്കർ (48), അങ്കമാലി അങ്ങാടിക്കടവ് കൂരൻവീട് ജോബി ജോൺ (41) എന്നിവരെയാണ് അറസ്റ്റ് ചെയ്തത്. മോഷ്ടിച്ച മോട്ടോർ സ്കൂളിന്റെ പരിസരത്ത് ഒളിപ്പിച്ചുവെക്കുകയായിരുന്നു. പിന്നീട് ഇത് എടുക്കാൻപോയ സമയം നാട്ടുകാർ സംശയം തോന്നി പൊലീസിൽ അറിയിക്കുകയായിരുന്നു.
വയനാട്: ലോഡ്ജിൽ മുറിയെടുത്ത് യുവാവിന്റെ ആത്മഹത്യാ ഭീഷണി. കൊല്ലം സ്വദേശി രമേശനാണ് ദേഹത്ത് മണ്ണെണ്ണ ഒഴിച്ച് ആത്മഹത്യാ ഭീഷണി മുഴക്കിയത്. ലോട്ടറി അടിച്ച തുക മറ്റൊരാൾ തട്ടിയെടുത്തെന്നും പൊലീസ് അന്വേഷിക്കുന്നില്ലെന്നുമാണ് രമേശന്റെ പരാതി. വയനാട് കൽപറ്റയിലാണ് സംഭവം. ലോഡ്ജിൽ മുറിയെടുത്ത് ആത്മഹത്യാ ഭീഷണി മുഴക്കിയ രമേശനെ പൊലീസ് പുറത്തെത്തിച്ചു. അനുനയിപ്പിച്ച് പിൻതിരിപ്പിക്കാനാണ് പൊലീസും ഫയർഫോഴ്സും ശ്രമിച്ചത്. കൽപ്പറ്റ പോലീസ് ഇയാളെ കസ്റ്റഡിയിലെടുത്തു.(rameshan lottery kalpatta)
സുൽത്താൻ ബത്തേരി: ലഹരി കടത്ത് തടയുന്നതിന്റെ ഭാഗമായി മുത്തങ്ങയിൽ നടത്തിയ വാഹനപരിശോധനക്കിടെ കഞ്ചാവ് കൈവശം വെച്ചതിന് യുവാവ് പിടിയിൽ. മലപ്പുറം തലകുളത്തൂർ സ്വദേശി മുഹമ്മദ് നിസാറിനെയാണ് ബത്തേരി പൊലീസ് അറസ്റ്റ് ചെയ്തത്.
മാനന്തവാടി: തോൽപ്പെട്ടിയിൽ എം.ഡി.എം.എയുമായി രണ്ടുപേർ പിടിയിലായി. തോൽപ്പെട്ടി എക്സൈസ് ചെക്ക് പോസ്റ്റിൽ മാനന്തവാടി എക്സൈസ് റേഞ്ച് ഇൻസ്പെക്ടർ പി.ബി. ബിൽജിത്തും സംഘവും തോൽപ്പെട്ടി ചെക്ക് പോസ്റ്റ് അംഗങ്ങളും സംയുക്തമായി നടത്തിയ രാത്രികാല വാഹന പരിശോധനയിലാണ് മാരക മയക്കുമരുന്നായ എം.ഡി.എം.എയുമായി കൊണ്ടോട്ടി മുതുവല്ലൂർ സ്വദേശി കുമ്മട്ടി വീട്ടിൽ കെ. അബഷർ (24), കണ്ണൂർ മാട്ടൂൽ സ്വദേശി ബി.സി. ഹൗസിൽ ബിഷർ ഷുഹൈബ് (22) എന്നിവർ അറസ്റ്റിലായത്. ഇവർ സഞ്ചരിച്ച ബൈക്കിൽ നിന്നുമാണ് 3.6 ഗ്രാം എം.ഡി.എം.എ പിടിച്ചെടുത്തത്. പത്തു … Read more
പുൽപള്ളി: എം.ഡി.എം എയുമായി രണ്ടു യുവാക്കൾ പൊലീസ് പിടിയിൽ. പുൽപള്ളി പൊലീസ് സ്റ്റേഷൻ സബ് ഇൻസ്പെക്ടർ സി.ആർ. മനോജും സംഘവും ദേവർഗദ്ദയിൽ നടത്തിയ പരിശോധനയിലാണ് പുൽപള്ളി ചെറ്റപ്പാലം പൂളക്കൽ നെബിൻ (18), മരക്കടവ് വട്ടത്തൊട്ടിയിൽ ആൽബിൻ (18) എന്നിവർ പിടിയിലായത്. ഇവരിൽ നിന്നും 0.470 ഗ്രാം എം. ഡി.എം.എ പിടികൂടി. എസ്.ഐ കെ.വി. ബെന്നി, സി.പി.ഒമാരായ ദേവജിത്ത്, അബ്ദുൽ നാസർ, പ്രജീഷ്, അയ്യപ്പൻ, പ്രവീൺ എന്നിവരും പൊലീസ് സംഘത്തിൽ ഉണ്ടായിരുന്നു.
പോപ്പുലർ ഫ്രണ്ട് ഓഫ് ഇന്ത്യയെയും (പിഎഫ്ഐ) അനുബന്ധ സംഘടനകളെയും ഇന്ത്യയിൽ നിരോധിച്ചു. 5 വർഷത്തേക്ക് ഈ സംഘടനകളെ നിരോധിച്ച് കേന്ദ്ര സർക്കാർ ഉത്തരവിറങ്ങി. രാജ്യസുരക്ഷ, ക്രമസമാധാനം തകർക്കൽ എന്നിവ കണക്കിലെടുത്താണു നടപടി. സംഘടനകളുമായി ചേർന്നു പ്രവർത്തിക്കുന്നതു കുറ്റകരമായി കണക്കാക്കും. രാജ്യമെമ്പാടുമുള്ള വ്യാപക റെയ്ഡിനും നേതാക്കളെയടക്കം കസ്റ്റഡിയിൽ എടുത്തതിനും ശേഷമാണു നിരോധനം പ്രഖ്യാപിച്ചത്. ഇതോടെ രാജ്യത്ത് നിരോധിക്കപ്പെട്ട 43-ാമത്തെ സംഘടനയായി പോപ്പുലർ ഫ്രണ്ട് മാറി. റിഹാബ് ഇന്ത്യ ഫൗണ്ടേഷൻ, ക്യാംപസ് ഫ്രണ്ട്, എൻസിഎച്ച്ആർഒ, നാഷനൽ വിമൻസ് ഫ്രണ്ട്, എംപവർ … Read more
മാനന്തവാടി∙ വയനാട്ടിൽ പോപ്പുലർ ഫ്രണ്ട് നേതാവിന്റെ കടയിൽനിന്ന് വടിവാൾ പിടിച്ചെടുത്തു. പൊലീസ് നടത്തിയ പരിശോധനയിലാണ് നേതാവ് സലീമിന്റെ ടയറുകടയിൽനിന്ന് 4 വടിവാൾ പിടിച്ചെടുത്തത്. സലീമിനെ ഉടൻ പിടികൂടുമെന്നും പൊലീസ് അറിയിച്ചു. പോപ്പുലർ ഫ്രണ്ട് ജില്ലാ ഓഫിസിലും പരിശോധന നടത്തി. പാലക്കാട് പോപ്പുലർ ഫ്രണ്ട് പ്രവർത്തകരുടെ വീടുകളിലും പൊലീസ് പരിശോധന നടത്തി. സംശയപ്പട്ടികയിലുള്ളവരുടെ വീടുകളിൽ ആവശ്യമെങ്കിൽ റെയ്ഡ് നടത്തണമെന്ന് എല്ലാ സ്റ്റേഷനുകളിലും വിവരം ലഭിച്ചിട്ടുണ്ട്.