മാനന്തവാടി : പ്രസവത്തെത്തുടർന്ന് യുവതി മരിച്ച സംഭവത്തിൽ മാനന്തവാടി സെയ്ന്റ് ജോസഫ്സ് ആശുപത്രിയിലേക്ക് കുടുംബാംഗങ്ങൾ മാർച്ച് നടത്തി. വെള്ളമുണ്ട ഐക്കാരൻ ഷഫീഖിന്റെ ഭാര്യ ഫസ്ന (22) ആണ് കഴിഞ്ഞദിവസം മരിച്ചത്. മാനന്തവാടി താലൂക്കോഫീസ് പരിസരത്തുനിന്ന് പ്ലക്കാർഡുകളേന്തി നടത്തിയ പ്രകടനം ആശുപത്രിക്ക് സമീപം സമാപിച്ചു. ഷഫീഖ്, സിദ്ദിഖ്, ഷജീർ തുടങ്ങിയവർ നേതൃത്വം നൽകി.
ചുള്ളിയോട്: സുൽത്താൻ ബത്തേരി-താളൂർ റോഡ് നവീകരണത്തിന്റെ ഭാഗമായി ചുള്ളിയോട്- കുറുക്കൻകുന്ന് സ്കൂൾ ലിങ്ക് റോഡ് അടച്ചതോടെ പ്രദേശവാസികൾ ദുരിതത്തിലായി. സുൽത്താൻ ബത്തേരി- താളൂർ റോഡ് നവീകരണ പ്രവൃത്തിയുടെ ഭാഗമായി മണ്ണിട്ട് ഉയർത്തിയതോടെ കുറുക്കൻകുന്ന് ലിങ്ക് റോഡിലേക്ക് പ്രവേശിക്കാൻ കഴിയാത്ത അവസ്ഥയാണുള്ളത്. ബത്തേരി- താളൂർ റോഡിലേക്ക് പ്രവേശിക്കുന്ന ചുള്ളിയോട് -കുറുക്കൻകുന്ന് ലിങ്ക് റോഡിന്റെ നവീകരണവും അടിയന്തരമായി ആരംഭിച്ച് യാത്രാക്ലേശം ഒഴിവാക്കണമെന്നാണ് നാട്ടുകാരുടെ ആവശ്യം. ഇത് നടപ്പാക്കുന്നതിനായി ആക്ഷൻ കമ്മിറ്റിയും നാട്ടുകാർ രൂപവത്കരിച്ചിട്ടുണ്ട്. ബത്തേരി -താളൂർ റോഡ് നിലവിലുള്ളതിനേക്കാൾ ഒന്നര … Read more
മേപ്പാടി: പുതുവർഷാഘോഷത്തിനിടെയുണ്ടായ സംഘർഷത്തിൽ മേപ്പാടി കുന്നമംഗലം വയൽ സ്വദേശി കാവുണ്ടത്ത് മുർഷിദ് എന്ന യുവാവ് കൊല്ലപ്പെട്ടതുമായി ബന്ധപ്പെട്ട് അറസ്റ്റ് ചെയ്യപ്പെട്ട നാലു പ്രതികളെ കൂടി കോടതി റിമാൻഡ് ചെയ്തു. കുന്നമംഗലം വയൽ സ്വദേശികളായ ആർ.പ്രശാന്ത്(39), ഒ. രതീഷ് (40), എരുമക്കൊല്ലി സ്വദേശികളായ എസ്. രൂപേഷ് (39), സി.സുധീഷ് (34)എന്നിവരെയാണ് റിമാൻഡ് ചെയ്തത്. പ്രധാന പ്രതി ഭൂപേഷ് എന്ന ബാവിക്കൊപ്പം കുറ്റകൃത്യത്തിൽ ഇവർക്കു കൂടി പങ്കുണ്ടെന്നതാണ് പൊലീസ് കണ്ടെത്തിയത്. 2022 ഡിസംബർ 31ന് അർധരാത്രി പുതുവത്സരാഘോഷത്തിനിടെയായിരുന്നു സംഭവം.
സുൽത്താൻ ബത്തേരി: നെന്മേനി അമ്പുകുത്തി പാടിപറമ്പില് സ്വകാര്യവ്യക്തിയുടെ തോട്ടത്തില് ചത്തനിലയില് കണ്ടെത്തിയ കടുവ പൊന്മുടിക്കോട്ടയിലും സമീപ പ്രദേശങ്ങളിലും ഭീതി സൃഷ്ടിച്ച കടുവയെന്ന് വനംവകുപ്പിന്റെ സ്ഥിരീകരണം. കടുവയെ ചത്ത നിലയിൽ കണ്ടെത്തിയ സംഭവത്തിൽ തോട്ടമുടമക്കെതിരെ വനംവകുപ്പ് കേസെടുത്തു. സ്ഥലത്തിന്റെ ഉടമയായ പള്ളിയാലില് മുഹമ്മദിനെതിരെയാണ് വന്യജീവി സംരക്ഷണ നിയമപ്രകാരം കേസെടുത്തത്. ഇതിനിടെ, സ്ഥലമുടമക്കെതിരെ നിയമനടപടികളുമായി വനംവകുപ്പ് മുന്നോട്ടുപോകുന്നതിനെതിരെ പ്രതിഷേധവും ശക്തമായി. ഒന്നര വയസ്സുപ്രായമുള്ള ആൺ കടുവയെയാണ് ബുധനാഴ്ച വൈകീട്ട് ആറോടെ അമ്പുകുത്തി പാടിപ്പറമ്പിലെ സ്വകാര്യ തോട്ടത്തിൽ കഴുത്തിൽ കുരുക്ക് കുടുങ്ങി … Read more
കോഴിക്കോട്-കൊല്ലഗൽ ദേശീയപാതയിലെ ഈങ്ങാപ്പുഴ എലോക്കരയിൽ ടാറ്റാ നാനോ കാറും മിൽമയുടെ കണ്ടെയ്നർ ലോറിയും കൂട്ടിയിടിച്ച് യുവാവ് മരിച്ചു. സുൽത്താൻബത്തേരി പുത്തൻകുന്ന് കോടതിപ്പടി നാടകശ്ശേരിയിൽ എൻ. ഷഫീഖ് (46) ആണ് മരിച്ചത്. വൈകീട്ട് മൂന്നരയോടെയായിരുന്നു അപകടം. വയനാട്ടിൽനിന്ന് ചേലേമ്പ്രയിലെ തറവാടുവീട്ടിലേക്കുള്ള യാത്രയ്ക്കിടെ ഷഫീഖ് ഒറ്റയ്ക്ക് സഞ്ചരിച്ച കാർ എതിരെവന്ന ലോറിയുമായി കൂട്ടിയിടിക്കുകയായിരുന്നു. സാരമായി പരിക്കേറ്റ ഷഫീഖിനെ അപകടത്തിൽ ഏതാണ്ട് പൂർണമായും തകർന്ന കാറിനുള്ളിൽനിന്ന് നാട്ടുകാരാണ് പുറത്തെടുത്തത്. ആദ്യം താമരശ്ശേരി ഗവ.താലൂക്കാശുപത്രിയിലും അവിടെനിന്ന് കോഴിക്കോട് ഗവ.മെഡിക്കൽ കോളേജ് ആശുപത്രിയിലും ചികിത്സയിൽ … Read more
മാനന്തവാടി: പുതുശ്ശേരിയിൽ കടുവാ ആക്രമണത്തിൽ മരിച്ച പള്ളിപ്പുറത്ത് തോമസിന്റെ മകൻ സോജൻ തോമസിന് വനം വകുപ്പിൽ താൽക്കാലിക ജോലിക്കുള്ള നിയമന ഉത്തരവ് നൽകി. നോർത്ത് വയനാട് ഡിവിഷനു കീഴിലെ മക്കിയാട് സ്റ്റേഷൻ പരിധിയിൽ പ്രവർത്തിക്കുന്ന മീൻമുട്ടി ഇക്കോടൂറിസം സെന്ററിന്റെ നടത്തിപ്പുമായി ബന്ധപ്പെട്ടാണ് ജോലി. ഒ. ആർ. കേളു എം.എൽ.എ, നോർത്ത് വയനാട് ഡി. എഫ്. ഒ മാർട്ടിൻ ലോവൽ എന്നിവർ ചേർന്നാണ് ഉത്തരവ് കൈമാറിയത്. മാനന്തവാടി ബ്ലോക്ക് പഞ്ചായത്ത് പ്രസിഡന്റ് ജസ്റ്റിൻ ബേബി, തൊണ്ടർനാട് പഞ്ചായത്ത് പ്രസിഡന്റ് … Read more
കൽപറ്റ: കൽപറ്റ നഗരമധ്യത്തിന്റെ ഇടവഴിയിലെ പ്രാഥമികകൃത്യം അവസാനിപ്പിക്കുന്നതിന് നടപടികളുമായി നഗരസഭ. മാനന്തവാടി, സുൽത്താൻ ബത്തേരി ഭാഗങ്ങളിലേക്കുള്ള ബസുകൾ നിർത്തുന്ന സ്റ്റോപ്പിന് സമീപം സപ്ലൈകോ റോഡിലെ മാലിന്യങ്ങൾ പൂർണമായും നീക്കിയും സി.സി.ടി.വി നിരീക്ഷണം ഏർപ്പെടുത്തിയുമാണ് നഗരസഭ അധികൃതർ താൽക്കാലികമായി പ്രശ്നം പരിഹരിച്ചത്.നഗരമധ്യത്തിലെ ഇടവഴി മൂത്രമൊഴിക്കൽ കേന്ദ്രമായി മാറിയിട്ട് ഏറെ നാളായിട്ടും ഇതുസംബന്ധിച്ച പ്രതിഷേധം ശക്തമായിട്ടും വാർത്തകൾ പുറത്തുവന്നിട്ടും നടപടിയെടുക്കാൻ വൈകിയതിനെതിരെ വ്യാപക വിമർശനം ഉയർന്നിരുന്നു. ഇതോടൊപ്പം ഇടവഴിയിൽ രാത്രികാല നിരീക്ഷണത്തിനായും സി.സി.ടി.വി കാമറകൾ അധികൃതർ സ്ഥാപിച്ചു. നഗരസഭ ചെയർമാൻ കെയംതൊടി … Read more
കൽപറ്റ: പുതുശ്ശേരിയില് കടുവയുടെ ആക്രമണത്തില് മരിച്ച കര്ഷകന് തോമസിന്റെ കേരള ബാങ്കിലെ കാര്ഷിക വായ്പ എഴുതിത്തള്ളാൻ കേരള ബാങ്ക് ഭരണസമിതി തീരുമാനിച്ചതായി ഭാരവാഹികൾ അറിയിച്ചു. വായ്പക്കായി തോമസ് ബാങ്കിൽ പണയപ്പെടുത്തിയ ആധാരം ഉൾപ്പെടെ പ്രമാണങ്ങൾ ഫെബ്രുവരി ആറിന് വൈകീട്ട് മൂന്നിന് കേരള ബാങ്ക് പ്രസിഡന്റ് ഗോപി കോട്ടമുറിക്കൽ തോമസിന്റെ വീട്ടിലെത്തി കുടുംബാംഗങ്ങൾക്ക് കൈമാറും. ജനുവരി 12ന് പുതുശ്ശേരി ആലയ്ക്കലിലെ വീട്ടിലെത്തിയ കേരള ബാങ്ക് പ്രസിഡന്റ് ഗോപി കോട്ടമുറിക്കല് തോമസിന്റെ കുടുംബത്തിന്റെ വിഷമതകൾ കണ്ട് വായ്പ എഴുതിത്തള്ളാൻ നടപടി … Read more