കാ​ട്ടു​കൊ​മ്പ​ൻ വീ​ണ്ടും കാ​ട്ടി​ക്കു​ള​ത്ത്

കാ​ട്ടി​ക്കു​ളം: കാ​ട്ടി​ക്കു​ള​ത്തി​ന്റെ പേ​ടി​സ്വ​പ്ന​മാ​യ കാ​ട്ടു​കൊ​മ്പ​ൻ ക​ഴി​ഞ്ഞ രാ​ത്രി വീ​ണ്ടു​മെ​ത്തി. ടൗ​ണി​ന​ടു​ത്തു​ള്ള താ​ണി​ക്കു​ഴി​യി​ൽ സ​ത്യ​​വ്രത​ൻ, ന​സീ​മ മ​ൻ​സി​ലി​ൽ റു​ഖി​യ എ​ന്നി​വ​രു​ടെ കാ​ർ​ഷി​ക വി​ള​ക​ൾ ന​ശി​പ്പി​ച്ചു.

പു​ല​ർ​ച്ചെ 2.45 നാ​ണ് ആ​ന എ​ത്തി​യ​ത്. ടോ​ർ​ച്ച​ടി​ക്കു​ക​യോ പ​ട​ക്കം പൊ​ട്ടി​ക്കു​ക​യോ ചെ​യ്താ​ൽ ആ​ക്ര​മി​ക്കാ​ൻ വ​രു​ന്ന സ്വ​ഭാ​വ​ക്കാ​ര​നാ​യ​തി​നാ​ൽ ആ​രും ഭ​യ​ന്ന് പു​റ​ത്തി​റ​ങ്ങി​ല്ല. ക​ഴി​ഞ്ഞ വ​ർ​ഷം വ​ന്നു​പോ​യ​തി​ന് ശേ​ഷം ക​ഴി​ഞ്ഞ രാ​ത്രി​യാ​ണ് വീ​ണ്ടു​മെ​ത്തി​യ​ത്.

ര​ണ്ടോ മൂ​ന്നാ ദി​വ​സ​ത്തി​ൽ കൂ​ടു​ത​ൽ ഈ ​കാ​ട്ടാ​ന ഒരേ പ്ര​ദേ​ശ​ത്ത് വ​രി​ല്ല എ​ന്ന പ്ര​ത്യേ​ക​ത​യു​മു​ണ്ട്. ക​ഴി​ഞ്ഞ വ​ർ​ഷം വി​വ​ര​മ​റി​ഞ്ഞ് എ​ത്തി​യ വ​നം വ​കു​പ്പി​ന്റെ വാ​ഹ​നം ആ​ക്ര​മി​ക്കാ​ൻ പാ​ഞ്ഞ​ടു​ത്തി​രു​ന്നു. കാ​ട്ടി​ക്കു​ളം ടൗ​ണി​ൽ​നി​ന്ന് 100 മീ​റ്റ​ർ മാ​ത്രം ദൂ​ര​ത്തി​ലാ​ണ് കാ​ട്ടു​കൊ​മ്പ​ൻ ഇ​റ​ങ്ങി​യ​ത്. തൊ​ട്ട​ടു​ത്ത് ധാ​രാ​ളം വീ​ടു​ക​ളു​ള്ള പ്ര​ദേ​ശ​മാ​ണി​ത്. ജ​ന​ങ്ങ​ൾ​ക്ക് സു​ര​ക്ഷി​ത​മാ​യി ജീ​വി​ക്കാ​നു​ള്ള സാ​ഹ​ച​ര്യം ഉ​ണ്ടാ​ക്ക​ണ​മെ​ന്നാ​ണ് നാ​ട്ടു​കാ​രു​ടെ ആ​വ​ശ്യം.